Almatyda «Balalarǵa ómir syıla» atty qaıyrymdylyq kontsert ótedi
ALMATY. Qyrkúıektiń 24-i. QazAqparat /Ádilet Musahaev/ - Búgin Almatyda «Balalarǵa ómir syıla» atty qaıyrymdylyq kontsert ótedi, dep habarlaıdy QazAqparat.
«Unity KZ» erikti tobynyń bastamasymen jáne «Mıloserdıe» erikti qoǵam" qoǵamdyq qorynyń uıymdastyrýymen ótip otyrǵan kontsertke Aıgúl Babaeva, Álisher Karimov, FM, SAHAR, Orda, NG jáne Daýys international toptarymen qatar Soulnyshko bı toby syndyQazaqstan estradasy juldyzdary qatysady. Kontsertten túsken bar qarajat shetelde emdelýdi qajet etetin balarǵa kómek retinde berilmek.
«Balalarǵa ómir syıla» sharasy barysynda Qazaqstannyń barlyq aımaqtary boıynsha ár túrli aýrýmen naýqastanǵan 250 balaǵa kómek kórsetildi. 1 371 942 AQSh dollary jınalǵan. Bul qarajattyń barlyǵy qazaqstandyq azamattar men mekemeler tarapynan jınalǵan. Naýqastardyń ómiri aqsha kúshimen jasalatyn operatsııaǵa táýeldi ekenin jáne qoǵam tarapynan qoldaýǵa muqtajdyǵyn eskergen halqymyz ár iste qol ushyn soza biletin jomarttyǵyn taǵy tanytqan.
«Balalarǵa ómir syıla» sharasy aıasynda elimizdiń kez-kelgen azamaty balalarǵa shyn kóńilden qamqorlyq kórsete alatynyna senemiz deıdi sharany uıymdastyrýshylar.
