Almatyda «Balalarǵa qýanysh syıla» atty aktsııa ótedi
ALMATY. Qarashanyń 17-si. QazAqparat /Názıra Eleýhan/ - Almatyda qarasha aıynyń 26-sy kúni «Da Freak Club» túngi klýbynda «Balalarǵa qýanysh syıla» atty qalalyq qaıyrymdylyq aktsııasy ótedi,
dep habarlaıdy QazAqparat.
Shara Qazaq eńbek jáne áleýmettik qatynastar akademııasynyń jáne Almaty ekonomıka jáne quqyq kolledjiniń, sonymen qatar qaıyrymdylyq qoǵam eriktileriniń birigip uıymdastyrýymen ótkizilmek.
Aktsııaǵa JOO-nyń stýdentteri, Almaty qalasynyń jastary, elimizdiń estrada juldyzdary, barlyǵy shamamen 600-deı adam qatysady dep josparlanýda. Barlyq kirý bılet satylymdarynan túsken qarjylar múgedek balalardyń ata-analarynyń qaýymdastyǵyna mı, sal aýrýymen aýyryp júrgen balalarǵa qajetti dári-dármekter alý úshin beriletin bolady.
Qazaq eńbek jáne áleýmettik qatynastar akademııasynyń stýdentteri jyl saıyn balalar úshin qan jınaý donorlyq aktsııasyn, leıkemııa aýrýymen aýyratyn balalarǵa arnalǵan aktsııany, jetim balalar úıinde tárbıe alýshy balalarǵa arnap jańa jyldyq merekelerdi jáne taǵy da basqa osy sııaqty qaıyrymdylyq sharalardy ótkizip turady.
