Almatyda balalarǵa arnalǵan jańa emhana ashyldy

Emhana qalanyń eń úlken jáne halyq kóp turatyn Áýezov aýdanynda ornalasqan. Sońǵy jyldary bul aýdanǵa qala mańyndaǵy aýyldar qosylǵan bolatyn.

210 orynǵa arnalǵan, 4 blokty kópsalaly Balalar emhanasy túgelimen zamanaýı medıtsınalyq qural-jabdyqtarmen jabdyqtalǵan. Onyń qurylysy osydan eki jyl buryn bastalǵan. Qurylysty ÝMS-V merdiger kompanııasy júrgizgen. Emhana 4 qabattan turady. Onda klınıkalyq-dıagnostıkalyq zerthana, fýnktsıanaldyq dıagnostıkalyq bólimshe, pýlmanologııa jáne Balalar nevrologııa bólimsheleri ornalasqan.

"Kópprofıldi emhana Elbasynyń "100 mektep, 100 emhana" baǵdarlamasy aıasynda ashylyp otyr. Emhananyń qurylysy dál Balalardy qorǵaý kúnine oraı aıaqtalyp, ashylýy jaqsylyqtyń nyshany. Sońǵy eki jylda Almatyda búgingi zamanǵa saı medıtsınalyq tehnıkamen jabdyqtalǵan jeti medıtsınalyq mekemeler ashylyp, qoldanysqa berildi. Ondaı qurylys bizdiń qalamyzdyń tarıhynda bolǵan joq. Onyń bári Elbasymyzdyń, úkimettiń, qala basshylarynyń júrgizip otyrǵan saıasaty arqasynda, halqymyzdyń densaýlyǵy myqty bolsyn degen nıetpen arnaıy halyq úshin salynýda. Bul emhananyń qurylysyna memleket 5,5 mlrd. teńge bóldi, ol az qarjy emes, daǵdarysqa qaramastan densaýlyq saqtaý mekemelerin salýǵa memleket úlken kóńil bólýde",-dep atap ótti qala ákimi Ahmetjan Esimov.

Qala basshysy aq halatty jandardyń erekshe qyzmetin atap ótip, dárigerlerdiń ıgilikti jumystaryna sáttilik tiledi. Ol sonymen qatar, eń úzdik emhanalardyń birine aınalady degen úmitin bildirip, emhanaǵa jedel-járdem kóligin syıǵa tartty.

№2 balalar emhanasynyń basshysy Irına Brejneva óz kezeginde qala basshysy men qurylys kompanııasyna alǵysyn bildirdi. "Sońǵy medıtsınalyq jabdyqtarmen jumys isteý úshin bizdiń dárigerlerimiz arnaıy oqýdan ótip, biliktilikterin arttyrdy. Biz endi jańa úıimiz jyly da, jarqyn bolsyn, balalarymyz az aýyrsyn dep tileımiz"-dedi ol.

Sharanyń resmı ashylý saltanatynan keıin qala basshysy emhanany aralap kórdi.