Almatyda balalarǵa arnalǵan Onkogematologııalyq ortalyq ashyldy - S. Qaıyrbekova
ASTANA. 12 jeltoqsan. QazAqparat /Jasulan Amanbaıuly/ - Búgin Almatyda Pedıatrııa ortalyǵynyń negizinde Onkogematologııalyq ortalyq ashyldy.
Bul týraly búgin QR Densaýlyq saqtaý mınıstrliginiń selektorlyq keńesinde vedomstvo basshysy Salıdat Qaıyrbekova málim etti.
Onyń aıtýynsha, zamanaýı medıtsınalyq tehnıkalarmen jaraqtalǵan ortalyq onkogemotologııalyq dertke shaldyqqan balalarǵa ota jasaýǵa múmkindik beredi. Buryndary mundaı ota Qazaqstanda jasalmaı kelgen bolatyn.
«Búgin Almatyda bizdiń elde onkogematologııalyq dertke shaldyqqan balalardy emdeýge arnalǵan arnaıy ortalyq ashyldy. Biz atalmysh ortalyqtyń ashylýyn burynnan asyǵa kútip júrdik. Biz bul ortalyqtyń negizinde óte joǵary tehnologııalardy qoldanatyn bolamyz», - dep atap ótti mınıstr.
