Almatyda balalarǵa arnalǵan mýzykalyq komedııa fılminiń tusaýkeseri boldy
ALMATY. 15 naýryz. QazAqparat /Názıra Eleýhan/ - Búgin Almatyda «Mega» saýda oıyn-saýyq ortalyǵyndaǵy kınoteatrda tuńǵysh ret elimizde balalarǵa arnalyp túsirilgen «Ánshi bolǵym keledi» atty mýzykalyq komedııa fılminiń premerasy bolyp ótti.
Fılm stsenarııiniń avtory jáne qoıýshy rejısseri - Danııar Salamat. Kınotýyndy ıdeıasynyń avtory jáne bas prodıýseri - Altyn Mahanbetova.
Bul fılmniń keıipkerleri «Ánshi bolǵym keledi» prodıýserlik ortalyǵynyń talantty ónerpazdary. Bas keıipkerdi 10 jasar Áıgerim Mergenbaı oınaıdy. Oqıǵa Áıgerimdi fýtbol dese ishken asyn jerge qoıatyn 10 jasar Jasulannyń jaqsy kórip qalýy, osyǵan oraı Áıgerimmen birge stýdııaǵa baryp án salyp júrgen dosy Aqjannyń ekeýin tanystyrý baǵytynda jasaǵan kúlkili is-áreketteri tóńireginde órbıdi. Fılmge sonymen qatar, QR eńbek sińirgen artısi Lıdııa Kádenova, memlekettik «Daryn» syılyǵynyń laýreaty Rahman Omarov pen Kenjebek Shaıqaqov, Baýyrjan Ordın sııaqty ózge de óner sheberleri túsken.
«Fılm túsirý ıdeıasy osydan 3 jyl buryn kelgen bolatyn, ár túrli jaǵdaılarǵa baılanysty túsirilimdi keıinge qaldyrǵan bolatynmyn. Sodan ótken jyly jazda qolǵa aldym. Meniń ıdeıam boıynsha daryndy rejısser Danııar Salamat stsenarııin jazyp shyqty. Fılm maýsym aıynda 27 kúnde túsirildi. Túsirý barysynda eshqandaı qıyndyqtar bolǵan joq, tek sol kezdegi kúnniń qatty ystyǵy kedergi keltirdi. Fılmge óziminiń 10 jyldan beri janymda ósip kele jatqan shákirtterim tústi, eshqandaı kastıng bolǵan joq. Balalardyń qabiletine qaraı ózim rólderdi berdim. Fılm barysynda 9 án oryndalady. Aıta ketetinim, oryndalǵan ánderdiń 90 paıyzdan astamynyń sózin belgili aqyn Ábdirahman Asylbekov jazǵan»,-dedi týyndynyń ıdeıa avtory, ári prodıýsseri Altyn Mahanbetova. Onyń aıtýynsha fılm «Ánshi bolǵym keledi» atty habardyń 10 jyldyǵyna arnalyp, balalarǵa estelik retinde qalsyn degen maqsatpen túsirilgen. Onyń pikirinshe kınotýyndy jas urpaqqa mýzykalyq tárbıe beretin baǵyttaǵy fılm.
Belgili synshy Áshirbek Syǵaıdyń aıtýynsha, mýzykalyq komedııa fılmi balalardyń boıyna án ónerine degen áýestikti uıalatady. «Bul býý burqyrap turǵan jańa dúnıe, áli boıymyzǵa sińirip, tartyp úlgergenimiz joq. Degenmende, meniń oıymsha, bul fılm balalar úshin óte kerek te, qajetti, osy shaqtaǵy balalar úshin óte paıdaly dúnıe. Óner álemine balalardyń estetıkalyq kózqarasyn talǵamyn qalyptastyrýǵa, qııalyn keńitýge, kórkemdik oılaý júıesin qalyptastyrýǵa fılmniń ózindik orny bar. Týyndyda jas balalardyń ónerge degen qulshynysy, qushtarlyǵy jaqsy kórsetilgen. Men rejısser Danııar Salamattyń ár qadamyn baǵalaımyn, ol óte talantty jigit. Ol árqashan ár túrli taqyryptarǵa baryp, qazaq kórkemóner kókjıegin qaıtsem dep júretin jigit. Árıne, birinshi ret bolǵannan keıin artyqtaý, kemshin tustary bar, máselen basy uzaq ánnen bastalmaı, birden kórermendi tartyp alyp ketý úshin shalt bastalý kerek sııaqty. Al balalardyń oıynyna kelsek, olar tájirıbeli akter emes qoı ysylǵan, sol balańdyq, balǵyndyq bári sezilip tur, sonysymen de fılm jaqsy, tabıǵı, shynaıy shyqty dep oılaımyn. Ónerde eń bastysy shynaıylyq»,- dedi ol.
