Almatyda balalardyń jazǵy lagerleri ashylmaıtyn boldy
ALMATY. QazAqparat –Bıyl Almatyda mektep janyndaǵy jáne qala syrtyndaǵy balalar lagerleri uıymdastyrylmaıtyn boldy, dep habarlaıdy QazAqparat tilshisi.
«Jazdyq lagerler uıymdastyrylmaıdy. Jedel shtab osyndaı sheshim qabyldady. Sebebi, demalys oryndary qalanyń syrtynda, oblys aýmaǵynda ornalasqan jáne olardyń basym bóligi jekemenshik. Biz balalarymyzdyń densaýlyǵyna qaýip tóndirmeýimiz kerek. Sondyqtan lager jumys istemeıdi»,– dedi shahar basshysy.
Sonymen qatar, ol kınoteatrlardyń da áli ashylmaıtynyn tilge tıek etti.
«Oıyn saýyq ortalyqtary men kınoteatrlardy ashýǵa asyqpaý kerek. Sebebi ol halyq kóp jınalatyn jabyq oryn. Ár seans saıyn dezenfektsııalyq jumystar júrgizý kerek. Buǵan barlyq kınoteatrlar daıyn dep aıta almaımyn. Bul indettiń taralýyna jol beredi. Biz qazir karantındik sharany ótkizip jatqandyqtan, budan ázirshe bas tartamyz», - dedi ol.
Buǵan deıin Baqytjan Saǵyntaev sanıtarlyq talapty oryndamaǵan saýda núkteleriniń qaıta jabylatynyn aıtqan bolatyn.
