Almatyda balalardyń ańǵaldyǵynan monsha órtendi
ALMATY. QazAqparat - Áýezov aýdanynyń Dostyq yqsham aýdanynda monsha órtendi, dep habarlaıdy QazAqparat tilshisi.
Órt jeke turǵyn úıdiń aýlasynda oınap otyrǵan balalardyń ańǵaldyǵynan tutanǵan. Zardap shekkender joq.
Qalalyq tótenshe jaǵdaılar departamentiniń málimetinshe, ata-ana nazarynan tys qalǵan eki bala jeke turǵyn úıdiń aýlasynda oınap otyrǵan.
Biraz ýaqyttan keıin úıdiń terezesinen balalardyń ákesi tútindi kórgen.
Otqa oranǵan monshany óz kúshimen sóndire almaǵan soń ol 101 qyzmetine habarlasqan. Arada birshama ýaqyt ótkende qutqarýshylar kelip, órtti sóndirgen.
Órttiń saldarynan monshanyń shatyry men oǵan japsarlas qurylys nysandary órtengen.
Tótenshe jaǵdaılar departamentinen habarlaǵandaı, órt balalardyń ańǵaldyǵynan shyqqan.
Osyǵan baılanysty departament ata-analarǵa balalardy nazardan tys qaldyrmaý kerektigin eskertedi.
