Almatyda Balalardy qorǵaýdyń halyqaralyq kúnine arnalǵan fotokórme ashyldy

dep habarlaıdy QazAqparat.

Tuńǵysh Prezıdent qory men "Zerkalo" jastar fotoklýbynyń uıymdastyrýymen ashylǵan kórmege kásipqoı jáne jańa bastaǵan jas fotosýretshilerdiń 120-dan asa jumystary qoıylǵan.

"Balanyń álemi kóp qyrly jáne sezimge toly. Ol balalardyń alańsyz kúlkisi men qýanyshy, úlkenderdeı sóılep, shynaıy qarapaıymdylyǵyn kórsetýi, ushy-qıyry joq energııasy men tátti uıqysy. Biz adamzattyń eń qymbat baılyǵy, ǵalamsharymyzdyń bolashaǵy bolyp tabylatyn balalar álemin búgingi kórmede kórsetýge tyrystyq. Bul jumystar balalyq shaqty eske túsirip, óz balalaryna jańa kózqaraspen qaraýǵa jáne bolashaq týraly oılaýǵa oı salady degen úmittemiz", dedi "Zerkalo" fotoklýbynyń fotosýretshisi Andreı Tereşenkov.

Fotokórme maýsymnyń 12-ne deıin jalǵasady.