Almatyda balalar zardap shekken taǵy bir jol apaty boldy
ALMATY. QazAqparat - Almaty qalasynda balalar zardap shekken taǵy bir jol-kólik apaty boldy, dep habarlaıdy «QazAqparat» HAA tilshisi.
Oqıǵaǵa kýá bolǵandardyń aıtýynsha, Mercedes Benz Jangeldın kóshesimen ońtústik baǵytta qozǵalyp bara jatqan, al Subaru Impreza Aryqov kóshesimen batysqa bet alǵan. Subaru Impreza «Jol ber» belgisin elemeı, apattyń oryn alýyna kináli bolǵan.
Anyqtalǵandaı, Mercedes Benz kóliginiń jolaýshylar oryndyǵynda eki bala men olardyń ákesi otyrǵan. Túrli jaraqattar alǵan olar aýrýhanaǵa jetkizildi. Balalardyń jaraqat dárejesi men jas shamasy ázirge belgisiz.
Eske salaıyq, buǵan deıin balalar men áıel zardap shekken ózge jol apaty týraly habarlaǵan bolatynbyz. Oqıǵa Bekmahanov kóshesiniń boıynda, Bartold kóshesine jetpeı oryn aldy.
