Almatyda balalar úıleriniń tárbıelenýshilerine arnalǵan «Kúlki kúni» sharasy ótti
ALMATY. 28 mamyr. QazAqparat /Berik Bekmurzaev/ - Balalardy qorǵaý kúni qarsańynda Almaty, Qaskeleń, Úshtóbe, Talǵar qalalary balalar úıleriniń 700-den astam tárbıelenýshileri «Almatynyń tańǵajaıyp álemi» saıabaǵyndaǵy «Kúlki kún» merekesine osymen tórtinshi ret qatysty.
Merekelik sharalardy uıymdastyrýshylar - «AıALA», «DARA», ABO qaıyrymdylyq qorlary, bularǵa Almaty qalasynyń ákimdigi qoldaý kórsetti.
Almaty ákimi Ahmetjan Esimov balalardy merekemen quttyqtap, olarǵa densaýlyq, baqyt pen qýanysh tiledi.
«Bizdiń elimiz, Prezıdenttiń jeke ózi Qazaqstan balalarynyń densaýlyqtary myqty, bilimdi bolyp ósýi úshin qoldan kelgenniń bárin jasaýda, óıtkeni, balalar-elimizdiń bolashaǵy. Balalyq shaqtan densaýlyqty ushtap, alǵan bilimdi odan ári tereńdetý qajet. Qazir barsha álemde qyzyq kezeń bastaldy. Kimniń densaýlyǵy myqty, bilimi tereń bolsa, ol ári kóshbasshy, ári isker adam bolyp shyǵady», - dedi qala basshysy.
Ahmetjan Esimov balalar úılerin qamqorlyqtaryna alǵan qaıyrymdylyq qorlarynyń atyna da jyly lebizin bildirip, alǵys aıtty. Mereke kúni balalarǵa qalanyń jetekshi meıramhanalary as mázirin ázirledi, olarǵa tegin balmuzdaqtar taratyldy. Túrli attraktsıondar jumys istep, kontserttik baǵdarlama usynyldy.
