Almatyda balalar úıleriniń tárbıelenýshileri arasynda spartakıada ótti
ALMATY. QazAqparat - Almatyda balalar úıleriniń tárbıelenýshileri arasynda ashyq spartakıada ótti, dep habarlaıdy QazAqparat qalalyq sport habyna silteme jasaı otyryp.
Búgin «Januıa» mamandyrylǵan kesheninde «Sporttyq Almaty» baǵdarlamasy aıasynda Almaty qalasynyń balalar úıleriniń tárbıelenýshileri arasynda 150-ge jýyq adamnyń qatysýymen ashyq spartakıada ótti.
Bul spartakıada shaǵyn-fýtbol, arqan tartý, toǵyzqumalaq, shahmat, asyq atý jáne ústel tennısi sport túrlerinen ótkizildi.
Jarystarǵa 18-den aspaǵan balalar úıleriniń tárbıelenýshi komandalary qatysty. Jeńimpazdar men júldegerler dıplom, medaldar, sonymen qatar jeńimpaz komandalarǵa kýbok jáne syılyqtar tabystaldy.
-Men bul is-sharaǵa óte rızamyn. Maǵan qatty unady. Fýtboldan birinshi orynǵa ıe boldyq. Árıne, karsylastarymyz osal emes, biraq biz jeńdik, - dedi №1 balalar úıiniń tárbıelenýshisi Renat.
Jalpy komandalyq esep boıynsha №1 balalar úıiniń tárbıelenýshileri birinshi oryndy jeńip aldy, ekinshi oryndy «Januıa», al úshinshi orynǵa «SOS» komandasy jaıǵasty.
