Almatyda balalar úıiniń tárbıelenýshilerine «Kólikter 3» mýltfılmi kórsetilmek
ALMATY. QazAqparat - «Bolashaq» qaýymdastyǵynyń ókilderi Almatyda 10 shilde kúni Balalar úıiniń tárbıelenýshileri úshin arnaıy qaıyrymdylyq sharasyn uıymdastyrmaq. Onyń aıasynda «Kólikter 3» mýltfılmi tegin kórsetiledi, dep habarlaıdy QazAqparat tilshisi «Bolashaq» qaýymdastyǵynyń ókili Nursultan Arystanbaevtyń sózine silteme jasaı otyryp.
Nursultan Arystanbaevtyń aıtýynsha, atalmy\sh týyndyny balalar «Kinopark 4 Globus» kınoteatrynan tamashalaıtyn bolady. Bul shara balalar úıiniń tárbıelenýshileri úshin tosynsyı bolmaq. Mýltfılm tamashalaǵannan keıin balalarǵa dastarhan jaıylyp, tátti taǵamdar taratylady.
«Kólikter 3» mýltfılmi qazaq tiline aýdarylyp otyrǵan jıyrmasynshy týyndy. 2011 jyly gollıvýd týyndylaryn qazaq tiline aýdarý dál osy «Kólikter 2» anımatsııalyq fılminen bastalǵan bolatyn», - deıdi N.Arystanbaev.
Gollıvýd fılmderin qazaq tiline aýdarý ıdeıasyn «Bolashaq» qaýymdastyǵy Keńeseniń qurmetti múshesi, Almaty ákimi Baýyrjan Baıbek usynǵan bolatyn.
Aıta keteıik, buǵan deıin, «AraiMediaGroup» stýdııasy «Disney» jáne «Pixar» ónimi jańa anımatsııalyq «Kólikter-3» mýltfılminiń dýblıaj jumystary aıaqtalǵanyn, aýdarma jumystaryna 100 adam qatysqanyn habarlaǵan bolatyn.
