Almatyda balalar úıiniń tárbıelenýshilerine arnalǵan ashyq esik kúnderi ótti
MATY. 19 qazan. QazAqparat /Názıra Eleýhan/ - Búgin Almatydaǵy QR Tuńǵysh Prezıdenti qorynda atalmysh qor kitaphanasynyń uıymdastyrýymen balalar úıiniń tárbıelenýshilerine arnalǵan «Ǵajaıyp el kitaby» atty ashyq esik kúnderi ótti.
Oǵan qalalyq jáne Almaty oblysynyń arnaıy mektep ınternattarynyń jáne balalar úıleriniń tárbıelenýshileri, sondaı-aq «QR Ulttyq memlekettik kitap palatasy» memlekettik mekemesiniń jáne balalar úıleri kitaphanalarynyń ókilderi qatysty.
Shara aıasynda Tuńǵysh Prezıdent qory sońǵy eki jylda shyǵarǵan kitaptardy barlyq ashyq esik kúnine qatysýshylarǵa tartý etti.
«Qor alǵash ret balalar úıiniń tárbıelenýshilerine ashyq esik kúnderin ótkizip otyr. Búgingi shara balalardy kitap oqýǵa tartý, kitapqa degen súıispenshilikti oıatý jáne jas býyn arasynda patrıottyq rýhty qalyptastyrý maqsatynda arnaıy uıymdastyryldy»,-dedi sharanyń uıymdastyrýshylary.
Shara barysynda QR Tuńǵysh Prezıdenti qory men «QR Ulttyq memlekettik kitap palatasy» memlekettik mekemesi yntymaqtastyq jónindegi memorandýmǵa qol qoıdy.
Al balalar Tuńǵysh Prezıdenti qory kitaphanasynyń oqý zalymen jáne aqparattyq resýrstarymen tanysty. Sonymen qatar, olar úshin «Intellektýaldy pavılonǵa» arnaıy ekskýrsııa uıymdastyryldy.
