Almatyda balalar úıi tárbıelenýshileri basketboldan jarysty
ALMATY. QazAqparat - Almaty qalasynda balalar úıleri men mektep-ınternattarynyń tárbıelenýshileri arasynda basketboldan «Úmit kýbogy» QR XIX chempıonaty ótip jatyr, dep habarlaıdy QazAqparat.
Jyl saıyn uıymdastyrylatyn Chempıonat bıyl «Mıras» mektebiniń sporttyq kesheninde ótkizilýde. «Úzdik komanda» ataný úshin Qazaqstannyń birneshe aımaǵynan 17 basketbol komandasy kúsh synasýda.
Sporttyq básekege balalar úıi men mektep ınternattarynyń 10 jáne 17 jas aralyǵyndaǵy 170 tárbıelenýshisi tartylǵan. Chempıonattyń tóreshiler alqasynda Ulttyq basketbol federatsııasynyń halyqaralyq dárejedegi tóreshileri bar.
Atalǵan shara jyl saıynǵy chempıonaty Ulttyq basketbol federatsııasynyń qoldaýymen ótkiziledi.
Sondaı-aq, jas sportshylar basketbol boıynsha kásibı jattyqtyrýshylardyń basshylyǵymen tálim alýǵa múmkindik aldy.
