Almatyda balalar ózenge aǵyp kete jazdady

Vıdeo messendjer chattarynda, áleýmettik jelide tarap ketti.

Beınekadrda 8-12 jas aralyǵyndaǵy 6 bala Esentaı ózeniniń býyrqanyp aqqan arnasynda oınap júrgeni beınelengen.

Tolqyn kelgende balalar jaqtaýǵa sekirip úlgerý kerek bolǵan.

Jeli qoldanýshylary ata-analardyń jaýapsyzdyǵyn synǵa aldy. «Oınap júrip, ot basyp júrmesin», «Bul balalardyń ata-analary qaıda qarap otyr?», «Vıdeo avtory túsirgenshe, balalardy qýyp jibermedi me?», «Myna tolqyndar adam shoshyrlyq qoı» degen kommentarııler vıdeo astyna qaldyrylǵan.

Rodıtelı - býdte bdıtelny❗️⠀ _ 📽: @vassilev_alexey_photo 📰: @almaty_city @almatygggram @almatygggram

Pýblıkatsııa ot @kris_p_almaty Official 🇰🇿🚔🔝 (@kris_p_almaty) 13 Maı 2018 v 6:07 PDT

Bul vıdeoǵa baılanysty qalalyq ІІD túsinikteme berdi.

«Almatylyq ata-analarǵa balalaryna abaı bolýyn suraımyz. Jaqynda mektep demalysy bastalady. Osy kezde balalardy baqylaýǵa alýdy kúsheıtý qajet. Sol úshin eresekterge abaı bolýdy eskertemiz», - dedi qalalyq ІІD baspasóz qyzmetinen.

Aıta ketý kerek, Almatyda úsh kúnnen beri qalyń nóser jaýyp tur. Qala kóshelerin, trotýarlar men jerasty joldaryn sý aldy.