Almatyda balalar oıyn alańynda er adam pyshaqtaldy
ALMATY. QazAqparat – Áleýmettik jelide «Samal-3» shaǵyn aýdanynda 15 naýryzǵa qaraǵan túni balalar alańynda er adamnyń pyshaqtalǵany týraly aqparat tarady, dep habarlaıdy QazAqparat tilshisi.
Almaty qalalyq polıtsııa departamentinen atalǵan derek QR QK-niń 99-baby boıynsha sotqa deıingi tergeýdiń biryńǵaı tizilimine tirkelgenin habarlady. Qylmysty Medeý aýdandyq polıtsııa basqarmasy tekserip jatyr.
«Aldyn ala málimet boıynsha alkogoldik ishimdikterdi birlesip ishý kezinde týyndaǵan janjal saldarynan 35 jastaǵy er adamdy tanysy pyshaqtap ketken. 2001 jyly týǵan kúdikti «izin sýymaı» ustaldy. Ol qamaýǵa alyndy», - dep habarlady qalalyq polıtsııa departamentiniń baspasóz qyzmeti.
