Almatyda balalar men jasóspirimderge golf oınaýdy tegin úıretip jatyr
ASTANA. QazAqparat - Almatyda qala ákimdiginiń qoldaýymen ekinshi jyl qatarynan 6-dan 17 jasqa deıingi balalar men jasóspirimderge golf oınaýdy tegin úıretý baǵdarlamasy júzege asyrylýda, dep habarlaıdy qalalyq aqparattyq jáne sporttyq HAB.
Sabaqtardy birinshi qazaqstandyq golf-klýb «Nurtaý» akademııasynyń kásipqoı bapkerleri ótkizýde.
Tegin sabaqqa qatysý úshin tek «Nurtaý» klýbyna kelip, saýalnama toltyrý qajet. Al odan keıin, qatysýshy ózine berilgen kúni óz tobymen birge aptasyna eki ret, bir saǵattan jattyǵý ótkizedi (bir adamǵa barlyǵy 8 sabaq).
Golf oınaýdy úıretý sabaqtary kún saıyn dúısenbiden jumaǵa deıin ótkiziledi. Jattyǵýlar tańǵy saǵat 8:45-ten bastalyp, artynsha kelesi toptar óz ýaqytymen jattyǵýlaryn bastaıdy: 10:00, 14:30, 15:45 jáne 17:00-de.
«Barlyq sabaqtar aqysyz túrde ótkiziledi. Biz barlyǵyn kerekti jabdyqtarmen ózimiz qamtamasyz etemiz. Bizdiń oqý baǵdarlamamyz 4 kezeńnen turady: olar alysqa jáne jaqyn jerge soqqylar jasap úırenedi, sodan keıin teorııalyq sabaqtar jáne pat bolady. Artynsha barlyǵy chempıonatqa qatysyp, test tapsyrady», - dep atap ótti «Nurtaý» balalar akademııasynyń bas bapkeri Aleksandr Vongaı.
Onyń aıtýynsha, byltyrǵydan qazirgi ýaqytqa deıin golf oınaýdy 800-den astam adam úırengen, jospar boıynsha áli 300 adamdy oqytý qajet. Qazir ár topta 13-15 baladan jattyǵady. Bul baǵdarlama aıasynda árbir jetkinshek tek golf ádisterin meńgerip ǵana qoımaı, dress-kod erejelerin qatań túrde saqtaý, sondaı-aq, tártipti bolýdy úırenedi.
Aıta keter jaıt, baǵdarlamanyń basty maqsaty osy sport túrin elimizde damytyp, jastar arasynda násıhattaý bolyp tabylady. Tegin oqytý sabaqtary osy jyldyń qarasha aıyna deıin jalǵasady. Baǵdarlama týraly tolyq aqparatty Nurtau.kz saıtynan, balalar akademııasy bóliminen kóre alasyzdar.
