Almatyda Balalar men jasóspirimder fýtbolynyń lıgasy quryldy
ALMATY. 25 qarasha. QazAqparat /Erlik Erjanuly/ - Almaty qalasy fýtbol federatsııasynyń bul bastamasy aldaǵy jyly respýblıkanyń ózge óńirlerinde qoldaý tabady.
Ony Qazaqstan fýtbol federatsııasynyń vıtse-prezıdenti Seıildá Baıshaqov búgin Almatyda ótken baspasóz máslıhatynda aıtty.
Almaty qalasynyń balalar men jasóspirimder lıgasyna 15 komanda qatyspaq. Olardyń ony Almaty qalasynyń ("Tsesna", "Qaırat", "TsSKA", "ORBJMM №2", "Eńbek", "Jeńis", "JFM", "Baıazıt", "Almaty ıýnaıted"), beseýi Almaty oblysynyń ("Alataý-Uzynaǵash", "Aq-bulaq", "Atletıko-Talǵar", "Іle-Sáýlet", "Ahyska") aıaqdopshylary. Onyń negizin salǵandar Almaty qalasynyń fýtbol federatsııasy men "ALA IT NETWORK" JShS-i. Lıga dırektory Baýyrjan Sársekenovtyń aıtýynsha, 2012 jylǵa arnalǵan is-sharalar josparynda 11 jarys bar. Olar - qysqy demalys jarysy, T. Segizbaev júldesi men D. Qonaev, B. Momyshuly, S. Kvochkın, Hasenov, Kozelkolardy eske alý jarystary jáne "Tsesna", "Qaırat", ABJFL kýboktary men Almaty chempıonaty.
"Buǵan deıin balalar men jasóspirimder arasynda jas erekshiligi boıynsha 5 topta qala chempıonatty ótip kelgen bolatyn. Oǵan 25 komanda qatysatyn edi. Bıyldan bastap 6 topta 58 komanda óner kórsetpek. Bul shamamen 1500-ge jýyq bala bolady. Sondaı-aq balalar men jasóspirimder arasynda 2010 jyly 4 jarys bolsa, bıyl onyń sany 11-ge deıin ulǵaıyp otyr", - deıdi B. Sársekenov.
