Almatyda balalar men jasóspirimder arasynda taekvandodan (WTF) qalaaralyq ashyq birinshilik ótip jatyr
ATY. 4 jeltoqsan. QazAqparat /Ádilet Musahaev/ - Almatyda QR-nyń EQYU-ǵa tóraǵalyǵy men Mustafa Óztúrikti eske alý qurmetine arnalǵan balalar men jasóspirimder arasynda taekvandodan (WTF) qalaaralyq ashyq birinshilik saıysy ótip jatyr.
Almaty qalasy Jastar saıasatyn damytý memlekettik qorynyń dırektory Dáýren Muhamedjanovtyń aıtýynsha, qazirgi tańda salaýatty ómir salty mádenıetin qalyptastyrý máselesi jalpy buqaralyq mádenıettiń ajyramas bóligi retinde memlekettik saıasattyń negizgi basymdyqtardyń birine aınalyp otyr. "Ómirlik tájirıbesi joq jastar óz densaýlyqtaryna nemquraıly qaraıdy. Bul jaǵdaı salaýatty ómir saltyna, tárbıege kóńil bólý josparyna asa nazar aýdarýdy qajet etedi. Sondyqtan mundaı sharalardy jastar arasynda jıi ótkizip turýdy alǵa qoıyp otyrmyz", - deıdi D.Muhamedjanov.
Jalpy on bes komanda qatysyp otyrǵan birinshilik 5 jeltoqsanǵa deıin jalǵasady.
