Almatyda balalar kitabynyń álemdik kúni atalyp ótiledi
ALMATY. Naýryzdyń 30-y. QazAqparat /Erbol Azanbek/ - Sáýirdiń 2-si álemge áıgili Hans Krıstıan Andersenniń týǵan kúni - Búkilálemdik balalar kitabynyń kúni retinde atalyp ótiledi. Bıylǵy jyly bul kún Almatyda da atalyp ótiletin boldy,
dep habarlaıdy QazAqparat.
Sharanyń basty uıymdastyrýshysy S.Begalın atyndaǵy memlekettik balalar kitaphanasy. Bul kúni kitaphanada qazaq tilinde «Altyn ábdire», orys tilinde «Kim? Qaıda? Qashan?» degen taqyrypta oıyn sharalary ótkiziledi.Kitaphana ókilderiniń aıtýynsha, bul kún álemniń kóptegen elderinde keńinen atalyp ótiledi. Onda jazýshylarmen, kitap bezendirýshilermen kezdesýler, festıvaldar, konferentsııalar ótkiziledi. «Bul kún dástúrge engizilip, endi bizdiń elimizde de keńinen atalyp ótiletin bolady», deıdi kitaphana ókilderi.
