Almatyda balalar Іle Alataýy parkin órtep jibere jazdady
ALMATY. QazAqparat – Jasóspirimder Іle Alataýy ulttyq parkiniń Túrgen bólimshesinde dalany órtemek bolǵan, dep habarlaıdy QazAqparat tilshisi.
«Іle Alataýy memlekettik mekemesi Túrgen bólimshesiniń habarlaýynsha, 27 qazanda Esik orman sharýashylyǵynda 2 jerden órt shyqqan. Órt 1,5 ga aýmaqty sharpydy. Ormanda bireýler qasaqana ot jaqqany anyqtaldy», - delingen ulttyq parktiń Facebook-tegi paraqshasynda.
Túrgen bólimshesiniń memlekettik ınspektory E.Qydyrov oqıǵa ornynda bolǵan 5 adamdy ustady.
«Ustalǵandar Esik qalasynyń kámeletke tolmaǵan jasóspirim turǵyndary bolyp shyqty. Keıin kúdiktilerdiń ata-analary Eńbekshiqazaq aýdandyq polıtsııa bólimine shaqyrtyldy. Ata-analar túsinikteme jazyp, balalarynyń taýda ot jaqqanyn rastady», - dedi ulttyq park ókilderi.
foto: Dıonısı Mıt