Almatyda balalar fýtbolyn damytý máseleleri talqylanady
ASTANA. QazAqparat - 26 qańtar kúni Almatyda, Balýan Sholaq atyndaǵy sport saraıynda Qazaqstandaǵy balalar jáne jasóspirimder fýtbolynyń damýyna arnalǵan konferentsııa ótedi.
QR Fýtbol federatsııasy baspasóz qyzmetiniń habarlaýynsha, jıynda balalar jáne jasóspirimder fýtbolyn damytý máseleleri, Qazaqstandaǵy nómiri birinshi sportty damytý joldary qarastyrylady. Kezdesýdiń qorytyndysy boıynsha negizgi máselelerdiń barlyǵy Qazaqstan Respýblıkasynda 2016-2026 jylǵa deıingi fýtboldy damytýǵa arnalǵan baǵdarlamaǵa engiziledi.
Konferentsııaǵa Qazaqstan fýtbol federatsııasynyń ókilderi, Premer-Lıga men Birinshi Lıga klýbtarynyń basshylary, jastar fýtbolyn damytý baǵdarlamasynyń jetekshileri, fýtbol ortalyqtarynyń jattyqtyrýshylary, «Jas Qyran» balalar jáne jasóspirimder lıgasynyń qatysýshylary, sonymen qatar, Almaty qalasy men Almaty oblysynyń balalar jáne jasóspirimder sport mektebi men jeke fýtbol mektebiniń ókilderi qatysady.
