Almatyda balalar dárigerleri koronavırýsqa qarsy vaktsınatsııanyń ekinshi kezeńinen ótti
«Biz, basqa medıtsınalyq uıymdar sııaqty COVID-19 pandemııasy kezinde jumys isteımiz. Bul barlyq medıtsına qyzmetkerleri úshin, tipti kovıd anyqtalǵan patsıenttermen tikeleı baılanysta bolmaǵandar úshin de qaýipti. Sondyqtan biz klınıka qyzmetkerlerin koronavırýs ınfektsııasyna qarsy ekpeni erikti túrde vaktsınatsııalaýdy bastadyq. Egý aldynda dárigerler tekserýden ótti, vaktsınatsııadan keıin jarty saǵat ótken soń olardy epıdemıolog dáriger qaıta tekserdi. Biz árbir qyzmetker úshin alańdaımyz jáne klınıkada juqtyrýdyń aldyn alý boıynsha barlyq sanıtarlyq normalardyń saqtalýyn qatań baqylaýda ustaımyz», - dep atap ótti basqarma tóraıymynyń orynbasary Lázzat Manjýova.
Pedıatrııa ortalyǵynyń anestezıology Gúljahan Abdýlaevanyń aıtýynsha, koronavırýsqa qarsy ekpe ár adamǵa ártúrli áser etedi.
«Qazir, árıne, bári juqtyrýdan qorqady. Biz qashyqtyqty, sanepıdrejımdi saqtaımyz.Táýekel árqashan joǵary. Sondyqtan, vaktsınatsııa týraly jarııalanǵannan keıin men birinshi bolyp tirkelip, ekpe saldyrdym. Bári jaqsy ótti, mende jaǵymsyz reaktsııalar bolǵan joq. Biraq kez kelgen vaktsınatsııaǵa reaktsııa bolýy kerek ekenin atap ótkim keledi. Onyń áser etýi ımmýnıtetke, deneniń sıpattamalaryna baılanysty ár adamǵa ártúrli áser etedi. Mende jeńil bas aınalý, júrek aıný, tábettiń ózgerýi, uıqyshyldyq boldy. Temperatýra kóterilmedi. Inektsııa orny aýyrmady. Bul kórinister vaktsınatsııadan keıingi ekinshi kúni neǵurlym aıqyn boldy, odan ári azaıdy. Biz tek osylaısha vaktsına alyp, jappaı ımmýnıtet qalyptastyryp, pandemııany toqtata alamyz jáne burynǵy qalypty ómirimizge orala alamyz», - dedi Pedıatrııa ortalyǵynyń anestezıolog mamany Gúljahan Abdýlaeva.
Eske salaıyq, 1 aqpanda Qazaqstanda COVID-19 koronavırýs ınfektsııasyna qarsy vaktsınatsııalaý naýqany bastaldy.
