Almatyda balalar aýrýhanasynyń ǵımaratyn salyp bitirý jaýapsyz jetkizýshige mindetteldi
Aıtýynsha, osydan eki jyl buryn Balalar shuǵyl medıtsınalyq kómek ortalyǵynyń operatsııalyq blogy bar qabyldaý bólimshesiniń korpýsyn salýdy «Aq Ordasy korporatsııasy» JShS óz moınyna alǵan.
«Bastapqyda aıaqtalý merzimi 2022 jyldyń 30 qyrkúıegi dep belgilengen. Merzimniń uzartylýyna qaramastan merdiger osy ýaqytqa deıin jumysty aıaqtaǵan joq. Osyǵan baılanysty ákimdik merdiger uıymǵa qatysty sotqa talap aryz berdi. Almaty qalasynyń mamandandyrylǵan aýdanaralyq ekonomıkalyq sotynyń 2023 jylǵy 3 shildedegi sheshimimen «Aq Ordasy korporatsııasy» JShS memlekettik satyp alýdyń jaýapsyz qatysýshysy bolyp tanyldy, memleket paıdasyna 12,3 mln teńge somasynda turaqsyzdyq tólemi óndirildi», - dedi ákim orynbasary.
Buǵan qosa, merdiger kompanııaǵa qatysty «Ákimshilik quqyq buzýshylyq týraly» QR Kodeksiniń 312-babynyń 2-tarmaǵyna sáıkes qurylys-montajdaý jumystaryna lıtsenzııanyń bir kishi túrinen aıyra otyryp, aıyppul salý túrinde sharalar qabyldandy.
«Qazirgi tańda ǵımarattyń qańqasy, shatyry, syrtqy qabyrǵalar men bólimderdi qalaý, tereze bloktary men birinshi árleý jumystary bitti. Injenerlik kommýnıkatsııalar, lıftilerdi ornatý, qasbet, árleý, abattandyrý boıynsha jumystar aıaqtalyp keledi. Nysan 85% daıyn. Qajetti jabdyqty satyp alý – 96%. Qurylys-montajdaý jumystary aıaqtalǵan kezde qazirgi ýaqytta satyp alynǵan jáne qoımalarda ornalasqan jabdyq ornatylady»,- dedi ol.
Qurylys salýshyǵa osy nysan boıynsha jumystardy 2023 jyldyń qyrkúıek aıynyń sońyna deıin aıaqtaý júkteldi.