Almatyda balalar arasynda dýatlonnan ashyq chempıonat ótti

Tórt jas sanatyndaǵy 300-ge jýyq bala ər qashyqtyqta kil myqtyny anyqtady.

 Jarysty birinshi bolyp 5-6 jastaǵy búldirshinder bastady (200-700-200 metr). Al sodan soń,  8-9 jastaǵylar  500-1100-500 m qashyqtyqty,  9-10 jastaǵy balalar  700-1100-700 m qashyqtyqty, 11-12 jastaǵylar 1100-1900-1100 m qashyqtyqty baǵyndyrdy.

"Búgingi jarystarǵa qyzym da, ulym da qatysty. Alena Kýlcheva (4 jas) jáne Egor Kýlchev (6 let). Biz ekinshi márte qatysyp jatyrmyz. Ótken jyly Alena kishkentaı bolǵanymen, márede sońǵylardyń qatarynda bolǵan joq. Osy jyly da jaqsy áser alyp, balalardy sportqa qyzyqtyrý maqsatymen keldik. Ulym birinshi bolyp kelse, qyzym qolany oljalady. Bir jyl boıy osy sporttyq merekeni kúttik. Kún saıyn jarysqa daıyndaldyq, ásirese, sońǵy aptada. Olar kúndelikti velosıped aıdaıdy, sondyqtan, olarǵa jarys ońaı berildi desem bolady. Biz ózimiz sportpen shuǵyldanamyz, balalardy da qazaqtyrýǵa tyrysyp jatyrmyz",-dedi Natalıa Kachalova.

Jeńimpazdar men júldegerler gramota men dıplomdarmen marapattaldy. Kishkentaı sportshylarǵa  uıymdastyrýshylar  atynan syılyqtar tabystaldy.

"Men birinshi bolyp keldim. Onymen qosa, qarsylastarymdy úlken ýaqyt aıyrmasymen ozyp shyqtym. Jasym toǵyzda. Jarys maǵan óte unady, ásirese, syılyqtar. Alaıda, maǵan jeńis qıyn berildi. Velosıpedpen júrip ótý ońaı bolsa, júgirý qıynǵa soqty. Ózim júzý men bessaıyspen aınalysamyn. Osymen ekinshi ret baq synap, eki márte jeńimpaz atandym. Meniń basty maqsatym fýtzal akademııasy men batýt ortalyǵyna sertıfıkat jeńý boldy",- dedi Artemıı Kýznetsov.

Dodanyń basty maqsaty salaýatty ómir saltyn nasıhattaý, qala turǵyndaryn kúndelikti dene shynyqtyrý men sport jattyǵýlaryna qyzyqtyrý, dýatlondy elge tanytý, sondaı-aq, elimizdiń úzdik dýatletterin anyqtaý, olardyń sheberlikterin arttyrý bolyp tabylady.

2004-2006 jj.

Uldar:

I - Ramıl Axmadyshev

II - Aleksandr Tıatte

III - Platon Lınnık

Qyzdar:

I - Sofııa Lınnık

II - Aleksandra Troıtskaıa

III - Snejana Kosolapova

2007-2008 jj.

Uldar:

I - Artemıı Kýznetsov

II - Musa Jumaǵal

III - Asyrjan Ásembaı

Qyzdar:

I - Sofı Iglınskaıa

II - Aklıma Ibjarova

III - Daıana Kýbıeva

2009-2010 jj.

Uldar:

I - Ámir Baqytjan

II - Aldııar Saparǵalı

III - Alekseı Strebkov

Qyzdar:

I - Vlada Dıakova

II - Aııa Mýttarı

III - Aızere Axmetjan

2011-2012 jj.

Uldar:

I - Egor Kýlchev

II - Samat Nurbekov

III - Artem Telva

Qyzdar:

I - Alısa Troıtskaıa

II - Valerııa Okoneshnıkova

III - Alena Kýlcheva