Almatyda balalar arasynda dýatlonnan ashyq chempıonat ótedi

Dýatlon - júgirý, velosport, sodan soń taǵy da bir júgirý kezeńin qamtıtyn, trıatlonǵa uqsas sport túri. Dýatlon álemdik deńgeıde Halyqaralyq trıatlon odaǵymen baqylanady (ITU).

Jarystar tórt jastyq sanat boıynsha qyzdar men uldar arasynda ótkiziledi. Aıtýly doda jastyq sanatqa baılanysty birneshe qashyqtyqty qamtıdy. Eń birinshi bolyp kishi top - 2011-2012 jyldary týǵan jetkinshekter jarysty bastaıdy (saǵat 10:00-de, 200-700-200 met­r). Al sodan soń, 2009-2­010 jyl aralyǵynda týǵan balalar  (500-1100-500 m), olardan keıin 2007-2008 jylǵylar (700-1100-700 m) jáne  2004-2006 jylǵy (1100-1900-1100 m) qatysýshylar jarys jolyna shyǵady.

Kámelet jasqa tolmaǵan jasóspirimder tek ata-anasynyń nemese jeke qamqorshysynyń ruqsat qaǵazymen ǵana jarystarǵa qatysa alady. Olar balalardy jeke alyp júrýi tıis.

Jeńimpazdar men júldegerler gramota men dıplomdarmen marapattalady, sonymen qatar olarǵa uıymdastyrýshylar atynan syılyqtar tabystalady. Bul sporttyq sharanyń demeýshileri: "KANGO" sekirý saıabaǵy, "Hawaii" akvaparki, "NOMAD" fýtzal akademııasy jáne "Advance" ıntellektýaldy damý ortalyǵy.

Atalmysh dodanyń basty maqsaty salaýatty ómir saltyn nasıhattaý, qala turǵyndaryn kúndelikti dene shynyqtyrý men sport jattyǵýlaryna qyzyqtyrý, dýatlondy elge tanytý, sondaı-aq, elimizdiń úzdik dýatletterin anyqtaý, olardyń sheberlikterin arttyrý.

Aıta ketsek, Almaty qalasynyń úshinshi chempıonatynda barlyq qatysamyn deýshiler baq synasa alady. Ol úshin, "Sp­orttyq Almaty" www.sporttykalmaty.kz saıtyna tirkelý qajet.

"Sporttyk Almaty" jobasy alyp shaharda buqaralyq sporttyń damýyna, belsendi tynyǵýdy nasıhattaýǵa baǵyttalǵan.