Almatyda balalar arasynda búırek aýrýy beleń aldy
«Búgingi tańda búırek aýrýy óte ózekti. Zár shyǵarý joldarynyń ınfektsııasy buryn ekinshi orynda bolsa, qazir respıratorlyq aýrýlardan asyp túsip, birinshi orynǵa shyqty. Búgingi kúni kóptegen ata-ana balalarynyń búırek patologııasy men zár shyǵarý joldarynyń ınfektsııasyn emdeý úshin dárigerlerge júginip jatyr. Eń aldymen, balalarǵa kóp sý ishý kerek, balalardyń kishi dáretin qýyqta uzaq saqtamaýyn qadaǵalaý qajet. Sonymen qatar ish qatýdyń aldyn alý kerek», - deıdi dáriger.
Onyń aıtýynsha, búırek aýrýlary jáne leıkotsıtýrııa, gematýrııa túrindegi zár shyǵarý sındromy kezinde jalpy zár analızin tapsyryp, búırekke ýltradybystyq zertteý júrgizip, mamanǵa júginý qajet.
Sonymen qatar spıker uldar men qyzdar arasyndaǵy búırek aýrýlarynyń 80 paıyzy mıkrobtyq qabyný aýrýlaryna baılanysty ekenin atap ótti.
«Zár shyǵarý joldarynyń ınfektsııasyn nefrologtar ǵana emes, sonymen qatar jergilikti dárigerler de teksere alady. Bul ınfektsııany emdeý dereý bakterııaǵa qarsy jáne demeýshi terapııany, sondaı-aq profılaktıkany qajet etedi. Zár shyǵarý joldarynyń ınfektsııasy birinshi kezekte qyzdarda kezdesedi», - dedi ol.