Almatyda balaǵa dórekilik tanytyp, julqylaǵan tárbıeshige sot úkimi shyqty
ALMATY. QazAqparat - Almatyda balabaqshada balany julqylaǵan tárbıeshige qatysty sot úkimi shyqty, dep habarlaıdy QazAqparat tilshisi.
Almaty qalasyndaǵy kámeletke tolmaǵandardyń isteri jónindegi mamandandyrylǵan aýdanaralyq sotynyń úkimimen № 96 bóbekjaı-balabaqsha tárbıeshisiniń kómekshisi Irına Shadskıh, QR QK 140-babynyń, 2-bólimi boıynsha quqyq buzýshylyq jasaǵany úshin kináli dep tanyldy.
Sot oǵan 63125 teńge aıyppul saldy. Sondaı-aq, kámeletke tolmaǵan balalardy tárbıeleýge baılanysty qyzmetterdi atqarý quqyǵynan 1 jylǵa aıyrdy.
Esterińizge sala keteıik, ústimizdegi jyldyń qyrkúıek aıynyń sońynda áleýmettik jelide, tósekte jatqan balany tárbıeshi uryp jatqan vıdeo paıda boldy. Habarlamanyń avtory sonymen birge balanyń sýretin jarııalap, úıge jıi kógerip keletinin aıtqan bolatyn.
Sot úkimi zańdy kúshine engen joq.
