Almatyda balabaqshalarǵa kezekke turǵyzylǵan balalardyń sany 10 myńnan asty - B. Baıbek
ALMATY. QazAqparat - Búgin Almaty ákimi Baýyrjan Baıbek dástúrli tamyz pedagogıkalyq keńesi barysynda qaladaǵy balabaqshalarǵa kezekke turǵyzylǵan balalar sanynyń 10 myńnan asqandyǵyn málimdedi.
«Almatyda qazir mynadaı úrdis baıqalýda. Bala baqshalarǵa bıyl 6,5 myńnan astam bala qabyldandy. Deıturǵanmen, sońǵy ýaqytta balabaqshalarǵa kezekke turǵyzylǵan balalardyń sany - 10 myńnan asty. Nege deseńizder, adamdar buǵan deıin balalaryn balabaqshaǵa ornalastyrýǵa qol jetkizýge bolatyndyǵyna senbeıtin. Sodan da kezekke turmaıtyn. Minekı, endi balabaqshalar kóbeıgen saıyn, jańa otbasylar da kóptep qurylatyn bolady», - dedi ákim.
Sonymen qatar, ol qalada memlekettik-jeke menshik áriptestik júıesiniń damyp jatqandyǵyn basa aıtty.
«Qaladaǵy úlken kottedjderde balabaqshalar kóptep ashylyp jatyr. Munyń barlyǵy bala baqshalardaǵy oryn tapshylyǵyn qysqartýǵa múmkindik beredi», - dedi qala ákimi.
