Almatyda balabaqshalardy lıtsenzııalaýdyń mańyzdylyǵy túsindirildi
Onyń aıtýynsha, bul mektepke deıingi mekemelerdiń jumys sapasyn jaqsartady.
«Mektepke deıingi uıymdarda lıtsenzııalaýdy engizý órtke qarsy, sanıtarlyq normalardyń, toptardaǵy balalar sany boıynsha talaptardyń saqtalýyn tekserýge múmkindik beredi. Sonymen qatar, kásipkerlerdiń mektepke deıingi bilim berý sapasyn qamtamasyz etýge jáne ata-analar aldyndaǵy jaýapkershilkti arttyrady», - deıdi Gúldana Omarova.
Spıkerdiń sózinshe, lıtsenzııalaý protsesi kezeń kezeńmen júzege asyrylady.
«Aldymen jańadan ashylǵan balabaqshalar lıtsenzııalanady. Ekinshi kezeńde memlekettik attestattaýdan ótpegen balabaqshalar. Sońǵy kezeńde – barlyq jumys istep turǵan ózge balabaqshalar – táýekelderdi baǵalaý deńgeıi boıynsha lıtsenzııalanatyn bolady.Sondyqtan balabaqsha basshylaryna alańdaýdyń qajeti joq. Olardyń barlyǵyna jumysty sapa standarttaryna sáıkestendirýge ýaqyt beriledi»,- dedi ol.
Gúldana Omarovanyń pikirinshe, sybaılas jemqorlyq táýekelderiniń tómendigi óte mańyzdy, óıtkeni lıtsenzııa berý jónindegi memlekettik qyzmet avtomattandyrylady jáne lıtsenzıardyń lıtsenzıatpen tikeleı ózara is-qımyly bolmaıdy.