Almatyda balabaqshadan bala urlamaq bolǵan áıel ustaldy
ALMATY. QazAqparat - Almatyda balabaqshadan bala urlamaq bolǵan áıel ustaldy, dep habarlaıdy QazAqparat tilshisi.
Almatyda 5 jasar balany urlaý áreketi týraly málimdeme Medeý aýdandyq polıtsııa bólimine túskennen soń QR QK 125-baby boıynsha sotqa deıingi tergeý bastaldy.
Qylmysty ashý úshin krımınaldy polıtsııa qyzmetinde tergeý-jedel toby quryldy. Kúdikti áıel túrin qanshalyqty jasyrýǵa tyrysqanymen, birden anyqtaldy.
«Jedel izdestirý sharalarynyń arqasynda kúdikti búgin Almaty oblysy Kegen aýdanyndaǵy ata-anasynyń úıinde ustaldy. Tergeý sharalaryn ótkizý úshin ol Almatyǵa jetkizildi», - deıdi Medeý aýdandyq polıtsııa bóliminiń basshysy Bolat Totybaev.
30 jastaǵy kúdikti sol balabaqshanyń tárbıeshisi bolyp shyqty.
«Álıhandy urlap áketpek bolǵan kúdikti sol toptyń tárbıeshisi bolǵan. Qylmys jasaǵan kezde ol eńbek demalysynda bolǵan. Balany beıtanys adamǵa bermegen qyraǵy tárbıeshi ony ýaqytsha almastyrǵan. Kúdikti balanyń ata-anasynan aqsha talap etýdi josparlaǵan. Suraqtarǵa jaýap bergennen keıin kúdiktini ýaqytsha ustaý ızolıatoryna qamaımyz», - dedi maıor Totybaev.
