Almatyda balabaqsha máselesin sheshý úshin ǵımarattar satyp alynýda
ALMATY. QazAqparat- Jetisý aýdanynda 160 oryndyq balabaqshanyń qurylysy bastaldy. Bul týraly turǵyndarmen kezdesý barysynda qala basshysy aıtty, dep habarlaıdy QazAqparat tilshisi.
Erbolat Dosaevtyń sózinshe, atalǵan aýdanda 2 balabaqshaǵa oryn tapshylyǵyn qysqartý maqsatynda kúrdeli jóndeý jumystary júrip jatyr.
«Mektepke deıingi uıymdardaǵy oryn tapshylyǵyn qysqartý maqsatynda 440 oryndyq 2 balabaqshanyń qurylys-montajdaý jáne jobalaý jumystary júrgizilýde. «Aınabulaq-4» shaǵynaýdanynda 160 oryndyq balabaqshanyń qurylysy bastaldy. Qurylysy kelesi jyldyń maýsym aıynda aıaqtalady»,- dedi shahar basshysy.
Sonymen qatar, ol maýsym aıynda jeke menshikte bolǵan eki qabatty ákimshilik ǵımarat satyp alynǵanyn atap ótti.
«Qazirgi ýaqytta 280 oryndyq balabaqshany kúrdeli jóndeý úshin jobalaý-smetalyq qujattama ázirlenýde. Jobalaý jeltoqsanda aıaqtalyp, qurylysy 2023 jyldyń birinshi toqsanynda bastalady. Bul mektepke deıingi mekemege Ratýshnyı-Qazybaev-Serikov-Rysqulov kóshelerinde turatyn balalar bara alady», – dedi qala ákimi Erbolat Dosaev.
