Almatyda balabaqsha kezeginde 45 myń bala tur
ALMATY. QazAqparat – Almaty qalalyq Bilim berý basqarmasynyń basshysy Gúlnar Qojabergenova brıfıng barysynda balabaqshalardaǵy oryn tapshylyǵy týraly aıtty, dep habarlaıdy QazAqparat tilshisi.
«Almaty balabaqshalaryna 1-6 jas aralyǵynda 45 026 bala kezekte tur. Onyń ishinde 20 637 balanyń jasy 3-6 aralyǵynda», - dedi Gúlnar Qojabergenova.
Basqarma basshysynyń aıtýynsha, 2019 jyly Almatyda – 560 oryndyq 3 memlekettik balabaqsha, 2618 oryndyq 113 jekemenshik balabaqsha ashyldy.
Odan bólek 640 balany oqytýǵa múmkindik beretin 4 memlekettik balabaqsha ǵımaraty salynyp jatyr. Bostandyq aýdanynda 150 oryndyq balabaqsha bıznestiń áleýmettik jaýapkershiligi baǵdarlamasy aıasynda boı kóterip keledi.
Aıta ketý kerek, búgin Almaty qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy balabaqshalarǵa qatysty ata-analardan jıi túsetin shaǵymdardy atady.
