Almatyda balabaqsha kezeginde 18 myń bala tur
ALMATY. QazAqparat – Almatyda balabaqsha kezeginde 18 myń búldirshin tur. Bul týraly qala basshysy Baqytjan Saǵyntaev «Almatynyń bilim bolashaǵy: jańa jaǵdaıdaǵy perspektıvalyq sheshimder» forýmynda aıtty, dep habarlaıdy QazAqparat tilshisi.
Baqytjan Saǵyntaev «Almatynyń bilim bolashaǵy: jańa jaǵdaıdaǵy perspektıvalyq sheshimder» forýmynda mektepke deıingi mekemelerdegi oryn tapshylyǵyn sheshý maqsatynda 2020 jyldyń basynan beri 670 oryndy tórt memlekettik bóbekjaılardyń paıdalanýǵa berilgenin aıtty. Aǵymdaǵy jyldyń sońyna deıin bir memlekettik balabaqshanyń qurylysy aıaqtalady jáne 520 oryndy taǵy úsh jańa balabaqshanyń qurylysy bastalady.
Qalada 361 jeke balabaqshalarǵa 17,5 oryndy memlekettik bilim tapsyrys berilgen. Degenmen, oryn tapshylyǵy azaımaı tur. Óıtkeni, ata-analar balalaryn jeke bala baqshalardaǵydaı qosymsha tólemdi qajet etpeıtin memlekettik balabaqshalarǵa bergileri keledi.
«Balalardy mektep jasyna deıingi tárbıemen qamtýdy ulǵaıtý úshin biz Úkimetke jeke balabaqshalardaǵy qosymsha qyzmetterge ata-analardyń aqy tóleýin jartylaı joıý jóninde usynys jasaǵan edik. Bizdiń bul usynysymyz qoldaý tapty, osy maqsat úshin jergilikti bıýdjetten shamamen 3 mlrd teńgege jýyq qarjy bólinetin bolady», – dedi B. Saǵyntaev.
Osy oń sharanyń qolǵa alynýy arqasynda jeke balabaqshalarda qosymsha 5 myńǵa jýyn oryn ashylady dep kútilýde. Qalada 893 mektep jasyna deıingi mekemeler jumys isteıdi, olardyń 189 (21,2%) memlekettik, 704 (78,8% jeke balabaqshalar. Búgingi kúni 3 jastan 6 jasqa deıingi 18 myńnan astam bala kezekte tur.
2021 jyly jobalyq qýattylyǵy 2 590 oryn bolatyn 13mektepke deıingi mekemeni paılanýǵa berý josparlanǵan. Ǵımarattardy qaıtarý jáne olardy qaıta qalpyna keltirý arqyly qosymsha 2200 oryn ashylatyn bolady. Osylaısha, 2020-2021 jyldary barlyǵy 12790 oryn qurylady, al bul bala baqsha kezegin 70%-ǵa tómendetedi.
