Almatyda balabaqsha esepshisiniń iri kólemde aqsha jymqyrǵany anyqtaldy
ALMATY. QazAqparat – Almatydaǵy balabaqshalardyń birinde iri kólemde aqsha jymqyrǵan bas esepshige qatysty sot sheshimi shyqty, dep habarlaıdy QazAqparat tilshisi.
Almaty qalalyq Polıtsııa departamentiniń málimetinshe, jekemenshik balabaqsha bas esepshisiniń asa iri kólemde senip tapsyrylǵan múlkti jymqyrý túrindegi urlyq deregi boıynsha qylmystyq tergeý aıaqtaldy.
Balabaqsha dırektory Jetisý aýdandyq polıtsııa basqarmasynyń qyzmetkerlerine alǵys bildirdi.
«Іs sotqa berildi, sottalǵan adamǵa ádil jaza taǵaıyndalyp, keltirilgen zalaldy óndirip alý arqyly aıyptaý úkimi shyǵaryldy. Tergeýshilerdiń laýazymdyq mindetteri minsiz oryndaldy. Ádil jáne zańdy tergeý bul isti toqtatýǵa múmkindik berdi. Býhgalterlik bilimdi meńgerý qıyn bolǵanyna qaramastan, tergeýshi qylmystyq quqyq buzýshylyqty túsine aldy. Jumys tolyq kólemde júrgizildi», - dedi balabaqsha dırektory.
