Almatyda balabaqsha ashyldy
ALMATY. 15 qańtar. QazAqparat - Qazirgi kezde eń basty mindet - jaqsy tárbıe men bilim berý, bul mektepke deıingi mekemelerdegi tárbıeshilerden bastaý alady. Bul týraly búgin Almaty qalasynda №179 balalar baqshasynyń saltanatty túrde ashylý rásimine qatysqan qala ákimi Ahmetjan Esimov aıtyp ótti.
"Jańa balabaqshada barlyq jaǵdaı jasalǵan, Memleket basshysynyń tapsyrmasyna sáıkes salynǵan", dep habarlady qala basshysy. Ol jańa balabaqshanyń tárbıelenýshileri Qazaqstan halqy men qoǵamnyń laıyqty ókilderi bolatynyna senim bildirdi. Bul ata-analar men ustazdardyń birlesken kúshiniń jemisimen kelmek.
Balabaqshanyń tárbıelenýshileri ákimge, mereke qonaqtaryna shaǵyn kontsert uıymdastyrdy. Bılep, án shyrqady, óleńder oqydy.
"Balabaqsha 120 balaǵa arnalǵan. Olar 6 topqa bólingen. Ǵımaratta alty jatyn bólme, alty oıyn bólmesi, alty ashana bar. Qazirdiń ózinde biz barlyq baǵyttar boıynsha 120 bala jınap qoıdyq, olardyń 75-i osynda. Qalǵandary medıtsınalyq tekserýden ótýde. Bizdiń balabaqshada bir topta eki-ekiden, barlyǵy 12 tárbıeshi jumys isteıdi. Psıhologııa kabıneti jumys isteıdi, ol arnaıy jabdyqtarmen jaraqtanǵan, mysaly shar tárizdi basseın bar", - dedi №179 balalar baqshasynyń kýratory Aınur Álimbekova.
