Almatyda bala urlamaq bolǵan balabaqshadan taǵy shý shyqty
ALMATY. QazAqparat – Almatydaǵy №96 bóbekjaı-balabaqshasynda taǵy da shý shyqty, dep habarlaıdy QazAqparat tilshisi.
Áleýmettik jelide, tósekte jatqan balany tárbıeshi uryp jatqan vıdeo paıda boldy. Habarlamanyń avtory sonymen birge balanyń sýretin jarııalap, úıge jıi kógerip keletinin aıtqan.
«Men kútýshiler men tárbıeshilerden jábir kórgen balalardyń vıdeosyn tek ýatsaptan kóretinmin. ıAǵnı bireýlerdiń jibergenin. Biraq bul bizde boldy. Meniń týǵan jıenimdi (2 jasta) uryp-soǵyp, jalańash kúıinde tósekke jatqyzǵan. Sosyn olar bul faktini jasyrdy. Olar bizge bala qulap qaldy dep aıtty. Úıge kelgende kishkentaıdan suradyq saǵan ne boldy dep, ol «Apaı urdy» dedi. Alaıda balanyń sózine úlkender senbeıdi. Olar oılaıdy balanyń baqshaǵa barǵysy kelmeıdi»,- dep jazdy kathrinkaztay qoldanýshysy Instagram-da
Almaty qalalyq bilim basqarmasy bul faktini rastady.
«2019 jyldyń 27 qyrkúıek kúni eki jastaǵy balanyń anasy Alına Galıeva №96 bóbekjaı-balabaqshasynyń basshysyna keldi. Ol «Kýrnosıkı» kishi tobyna baratyn uly Rolan Galıevti urǵany týraly aıtyp beınejazbany kórsetýin surady. Jazbada túski saǵat 13:57-de tárbıeshiniń kómekshisi I.Shadskıh balaǵa eki ret jaqyndap, kórpemen jaýyp, aıaqtaryn julqylap, murnynan uryp jibergeni anyq kórinip tur. Tárbıeshiniń kómekshisi balany shynymen de urǵan»,- dep habarlady bilim basqarmasy.
Osy fakti boıynsha tárbıeshi K. Nurymbetovaǵa qatań sógis jarııalandy, onyń kómekshisi I. Shadskıh Eńbek kodeksiniń 52 baby 14 tarmaǵy boıynsha jumystan shyǵaryldy.
Ujymda 30 qyrkúıekte Alına Galıevanyń qatysýymen kásipodaq jınalysy ótti. Sonymen qatar 1 qazanda balalardyń ómiri men densaýlyǵyn qorǵaý týraly brıfıng uıymdastyryldy.
№ 96 bóbekjaı-balabaqshasynyń basshysy N.V Karasevaǵa Almaty qalalyq bilim basqarmasy tártiptik jaza taǵaıyndady.
Atalmysh mektepke deıingi mekemede búgingi kúni 12 top bar. Onda 13 tárbıeshi jáne 4 tárbıeshiniń kómekshisi jumys isteıdi. I. Shadskıh osy jyldyń sáýir aıynda jumysqa qabyldanypty.
Eske salsaq, osy jyldyń 16 shildesinde dál osy balabaqshadan basyna úlken shlıapa, kózine qara kózildirik taqqan áıel bes jasar balany urlamaq bolǵan.
Araǵa toǵyz kún salyp, 25 shilde kúni polıtsııa kúdikti áıeldi ustady. Ol sol balabaqshanyń tárbıeshisi bolyp shyqty. Kúdiktiniń aıtýynsha, mundaı árketke aqsha talap etý úshin barǵan.
Keıin tárbıeshiniń áleýmettik jaǵdaıy týraly aqparat shyqty.
