Almatyda bala emizetin 11 myń áıel Pfizer vaktsınasyn saldyrdy

ALMATY. QazAqparat – Almatyda bir táýlik ishinde 2 683 adam koronavırýsqa qarsy ekpe aldy, dep habarlaıdy QazAqparat tilshisi.

Onyń ishinde birinshi komponentin - 1 147 adam, ekinshi komponetin - 1 546 adam saldyrdy. Bul týraly qalalyq qoǵamdyq densaýlyq saqtaý basqarmasy málim etti.

«Ótken jyldyń 1 aqpany men bıylǵy 21 aqpan aralyǵynda qalada 1 133 638 turǵyn - vaktsınanyń birinshi komponentin, 1 088 907 adam - ekinshi komponentin saldyrǵan. Onyń ishinde 124 593 adamnyń jasy 60-tan asqan»,- delingen habarlamada.

Búgingi tańda Pfizer vaktsınasyn 52 451 adam saldyrdy.

Onyń ishinde 2 860 júkti áıel, bala emizetin 11 480 ana jáne 38 111 jasóspirim bar.

230 250 qala turǵyny revaktsınatsııadan ótti.

«Búgingi tańda qalada medıtsına mekemelerinde 119 vaktsınatsııa pýnkti jumys isteıdi. 140 vaktsınatsııa brıgadasynda 520 medıtsına qyzmetkeri jumyldyryldy» - dep atap ótti Almaty qalasy qoǵamdyq densaýlyq basqarmasynyń baspasóz qyzmeti.