Almatyda Baqytjan Saǵyntaevtyń esepti kezdesýi bastaldy
ALMATY. QazAqparat - Almatyda Baqytjan Saǵyntaevtyń halyqpen esepti kezdesýi bastaldy, dep habarlaıdy QazAqparat tilshisi.
Jıyn 3200 oryndyq Nalyk Arena kesheninde ótip jatyr.
Qala basshysy 2019 jyldy qorytyndylap, 2020 jylǵa mejeli mindetterdi aıqyndamaq.
Kezdesýge deıin aýdan basshylary, ákimniń orynbasarlary, basqarma jáne departament basshylary azamattardy qabyldady. Esepti kezdesýden soń da mundaı kezdesýler jalǵasyn taba bermek.
Almaty qalasynyń 2019 jyldaǵy áleýmettik-ekonomıkalyq damýyndaǵy qarqyndy dınamıka arnaıy vıdeorolıkte kórsetildi.
9 aıda JІÓ 4,8%-ke artty. 2019 jyly 47 myń jumys orny ashyldy. Jalpy quny 96 mlrd teńge bolatyn 88 jańa bıznes orny ashyldy. Ónerkásip 4,5%-ǵa, baspana berý - 4,8%-ǵa, qurylys - 3,4%-ǵa, bólshek saýda 12,1%-ǵa artqan.
Qalada byltyr 500 shaqyrym ınjenerlik jeli tartyldy. 73 shaqyrym jol tartyldy. 47 shaqyrym aryq qaıta jasaldy.
320 kóshege jaryqtandyrý júrgizilip, 287 shaqyrym sý jelisi, 15 shaqyrym elektr jelisi, 20 shaqyrym jylý jelisi, 130 shaqyrym gaz jelisi tartyldy.
Barlyǵy 2,1 mln sharshy metr turǵyn úı paıdalanýǵa berildi.
«Búgingi esepti kezdesý Memleket basshysy Qasym-Jomart Toqaevtyń «halyq únine qulaq asatyn memleket» qaǵıdatymen jumys jasap jatqan qala ákimi Baqytjan Saǵyntaevtyń jumysynyń logıkalyq jalǵasy ispettes», - dedi baspasóz qyzmetinen.
