Almatyda «Baqytty otbasy» ortalyǵy arqyly myńǵa jýyq jumys orny ashyldy
«Baqytty otbasy» ortalyǵy bazasynda «ISKER ANA» baǵdarlamasy sátti iske asyrylýda.
Búgingi tańda «ISKER ANA» baǵdarlamasymen kópbalaly analarǵa tirkeý, zańgerlik jáne psıhologııalyq kómekten bastap kásipkerlik negizderi boıynsha kýrstarǵa, bıznes-jospar qurýǵa, óz bıznesin ashýǵa, grant nemese mıkrokredıt alýǵa deıin jumys usynylady.
«Bıylǵy kópbalaly jáne turmysy tómen otbasylardy jumysqa ornalastyryp, óz bıznesin damytý maqsatynda demeýshiler arqyly Áýezov aýdanynda toqyma jáne azyq-túlik ónimderin qoldan satý úshin 4 saýda orny, atap aıtqanda, «Tıgrohaýd», «Arystan» saýda úılerinde, «Sary-Arqa» jáne «Arystan» bazarlarynda azyq-túlik orny ashyldy. Almaly aýdanynda «Áleýmettik tigin tsehy» (Almaty qalasy, Jibek joly kóshesi, 135) óz jumysyn bastady»,- deıdi Almaty qalalyq «Baqytty otbasy» ortalyǵynyń basshysy Zýlfııa Baısaqova.
Sonymen qatar, Túrksib aýdanynda kópbalaly analardyń qoldan jasaǵan taýarlaryn satatyn «Іsker Ana» saýda úıi (Almaty qalasy, Súıinbaı dańǵyly, 263) ashyldy. Saýda úıinde zamanaýı stıldegi ulttyq kostıýmder, quraq-kórpe, ulttyq naqyshtaǵy áshekeıler, áıelderge arnalǵan kıimder satylymǵa qoıyldy, sondaı-aq kıimderdi óńdeý jáne jóndeý boıynsha qyzmet kórsetý kózdelgen.
Zúlfııa Baısaqova «Baqytty otbasy» ortalyǵynyń arqasynda myńǵa jýyq jumys orny ashylǵanyn atap ótti.
