Almatyda BAQ ókilderi úshin otandyq «Joıýshy» fılminiń kórsetilimi ótti

Fılmdi Sháken Aımanov atyndaǵy «Qazaqfılm» AQ men «Sataifilm» kınokompanııasy shyǵarǵan. Fılmniń jalpy quny 2 mln. AQSh dollaryn quraıdy.

Fılmdi túsirý 2010 jyldyń 15 aqpanynan bastalǵan. Jalpy jumys bir jyl ishinde bitken.

«Qazaqfılm» kınostýdııasynyń prezıdenti Ermek Amanshaev bul 2011 jyldaǵy alǵashqy otandyq fılmdi tanystyrý bolǵanyn aıtty. «Jyl sońyna deıin endi on fılmniń tusaýy kesiledi. Kınostýdııa olar qandaı baǵyttaǵy fılmder bolatynyn sheship qoıdy. Bul ár túrli saladaǵy - melodrama, ekshn, komedııa janryndaǵy fılmder. Onyń ishinde balalar fılmderi de bar», - dedi E.Amanshaev.

«Joıýshy» fılmniń stsenarııin jazǵan - Tımýr Jaqsylyqov, qoıýshy-rejısser - Aqan Sataev, qoıýshy-operator - Hasan Qydyrálıev, kompozıtory - Renat Gaısın. Rólderde oınaǵandar: Berik Aıtjanov, Qarlyǵash Muhametjanova, Áziz Beıshenálıev, Mentaı Ótepbergenov, Vıktor Ashanın, Mıhaıl Tokarev, Tóleýbek Aralbaı jáne Vınnı Djons (Ulybrıtanııa).