Almatyda BAQ ókilderi arasynda spartakıada ótedi
ASTANA. QazAqparat - Qazan aıynyń 29 kúni «Sporttyq Almaty» jobasy aıasynda BAQ qyzmetkerleri arasynda №2 balalar men jasóspirimder sport mektebinde spartakıada ótedi. Qatysýshylar shaǵyn fýtboldan, arqan tartýdan, shahmattan, gir kóterýden, armrestlıngten jáne ústel tennısinen saıysqa túsedi, dep habarlaıdy Almaty ákimdiginiń sport basqarmasynan.
Sporttyq shara BAQ qyzmetkerlerin dene shynyqtyrý men sportqa qyzyqtyrý, atalǵan sport túrlerin elge tanytý, qala turǵyndarynyń fızıkalyq daıyndyǵyn arttyrý, salaýatty ómir saltyn BAQ ókilderi arasynda nasıhattaý maqsatynda ótkiziledi.
Aıta keter jaıt, «Sporttyq Almaty» qalalyq baǵdarlamasy alyp shahardaǵy sporttyń damýyna jáne belsendi tynyǵýǵa baǵyttalǵan. Joba osy ataýmen aldyńǵy jyly bastalyp, búginde qala turǵyndaryn túrli sporttyq sharalarmen qýantyp keledi.
