Almatyda BAQ ókilderi arasynda shaǵyn fýtboldan SAT & CO kompanııasynyń dástúrli kóktemgi kýbogy sarapqa salynady
ALMATY. 5 sáýir. QazAqparat - Almatyda 14-15 sáýir kúnderi shaǵyn fýtboldan buqaralyq aqparat quraldary ókilderi arasynda dástúrge aınala bastaǵan «SAT & CO - Kóktemgi kýbogy» jarysy ótedi.
Respýblıkalyq sport kolledjiniń fýtbol alańynda ótetin bul dodanyń jerebe tartý rásimi 13 sáýirde bolady.
Respýblıkalyq sport kolledjinde byltyr 26-27 naýryzda ótken alǵashqy týrnırge 14 komanda qatysqan bolatyn. Onda jartylaı synda «Almaty sport» pen «Rahat-STV» komandalary, «Almaty TV» men «Habar» komandasy aqtyq synda kezdesti. Bul oıynda qarsylasyn 1:0 esebimen utqan «Habar» agenttiginiń fýtbolshylary kýboktyń ıegeri atanǵan bolatyn. Al «Almaty» telearnasynan Maqsat Silámbekov «Týrnırdiń úzdik oıynshysy», Qazaq radıosynan Ámir Ómirbek «Fýtbolǵa berilgeni úshin», «Rahat STV» komandasynan Aqyn Ordabaı «Úzdik bombardır», «KTK/Karavan» komandasynan Kırıll Harlamov «Úzdik qaqpashy», «Habar» agenttiginen Andreı Ostapýşenko «Úzdik qorǵaýshy» atalymy boıynsha arnaıy syı-sııapatqa ıe boldy.
