Almatyda «BAQ bolashaǵy -Jýrnalısterdiń qolynda» atty alǵashqy aımaqtyq forým ótip jatyr

Medıaforýmdy Soros-Qazaqstan Qorynyń qoldaýymen «Respýblıka» gazetiniń redaktsııasy, Qazaqstan jýrnalıster Odaǵy, «Ádil sóz» halyqaralyq sóz bostandyǵyn qorǵaý qory, «Internıýs Qazaqstan», «Orta Azııa memleketterindegi quqyqqorǵaý bilimi men adam quqyǵyn BAQ arqyly qorǵaý» IWPR/EC jobasynyń negizinde Qazaqstandaǵy Soǵys jáne beıbitshilikti jarııalaý jónindegi ınstıtýt, MediaNet Halyqaralyq jýrnalıstıka ortalyǵy uıymdastyryp otyr. Medıaforýmnyń «Respýblıkalyq» úılestirýshisi Irına Mednıkovanyń aıtýynsha forýmnyń maqsaty - beıresmı jaǵdaıda Ortalyq Azııa jýrnalısteriniń, onyń ishinde eń áýeli qazaqstandyq jýrnalısterdiń ózekti máselelerin talqylap, olardy sheshýge arnalǵan usynystardy oılastyrýǵa tyrysý. MediaNet Halyqaralyq jýrnalıstıka ortalyǵynyń dırektory Igor Brattsevtiń aıtýynsha aqparattyń ınternet-keńistikke aýysa bastaýy jýrnalıstıkany mýltımedıalyq baǵytty damyp, tehnologııasyn arttyrýǵa májbúrleýde dep sanaıdy. «Sondyqtan BAQ mamandarynyń bas qosýy - jańa ıdeıalardy jaryqqa shyǵarýǵa, olardy qabyldaýǵa, damytýǵa jáne medıanaryqtyń damýy úshin paıdalanýǵa taptyrmas múmkindik bolyp otyr», - deıdi ol.

Bes sessııa boıynsha ótetin forýmda Bizdiń BAQ qaıda barady, Zamanaýı «jarysta» básekege qabilettiligin qalaı arttyra alady, Merzimdi baspasóz úshin Internet jaqsy ma álde jaman ba, «Halyqtyq» jýrnalıstıka degen ne, Ǵalamdyq tordaǵy shekteýlerden qalaı jol taýyp, ótýge bolady, Jýrnalıster úshin óz-ózine degen tsenzýra qajet pe, joq pa degen máseleler talqylanýda.