Almatyda BAQ arasynda ótken baıqaý qorytyndysy shyǵaryldy
Erjan Babaqumarov BAQ ókilderin megapolıstiń tynys-tirshiliginiń áleýmettik mańyzdy máselelerin jarııalaýǵa belsendi qatysqandary úshin marapattady.
Almaty ákimdigi Qazaqstan Respýblıkasynyń Táýelsizdik kúni qarsańynda megapolısti damytý taqyrybyndaǵy úzdik aqparattyq ónim baıqaýynyń qorytyndysyn shyǵardy.
Baıqaýǵa qatysý úshin BAQ-tan barlyǵy 116 ótinim kelip tústi. Táýelsiz saraptama komıssııasy taldaý qorytyndysy boıynsha úzdik jumystardyń 22 avtoryn marapattady.
Marapattaý rásimi barysynda Almaty qalasy ákiminiń orynbasary Erjan Babaqumarov jýrnalıster jumysynyń mańyzdylyǵyn atap ótti jáne megapolıs ákimshiliginiń koronavırýstyq pandemııamen kúreste qabyldaǵan sharalaryna erekshe nazar aýdarǵany úshin alǵysyn bildirdi.
«Búgin kúni BAQ-tyń atqaratyn róli aıryqsha. Sizder qajyrly eńbekterińiz ben belsendi ustanymdaryńyz arqyly qala turǵyndaryna almatylyq yntymaqtastyqtyń qundylyqtaryn túsindirip, jeke ózderin qorǵaý men qoǵamdyq densaýlyq deńgeıin arttyrýǵa aıtarlyqtaı yqpal ettińizder. Qala turǵyndarynyń pandemııany qalaı qabyldaıtyny, epıdemııalyq talaptardy saqtaýǵa qanshalyqty sabyrly ári jaýapkershilikpen qaraıtyny sizdermen birlesken jumysymyzǵa tikeleı baılanysty boldy, - dep atap ótti E.Babaqumarov. - Sizderdiń árqaısyńyz qala ómiriniń áleýmettik mańyzdy máseleleri týraly aqparatty BAQ-ta der kezinde jarııalap, pandemııaǵa qarsy ortaq kúreske qomaqty úles qostyńyzdar».
Aıta ketý kerek, jyl basynan beri Almaty ákimdigi 330 baspasóz konferentsııalaryn, brıfıngter men basqa da is-sharalardy ótkizdi, olardyń barysynda spıkerler BAQ-nyń 3000 suraǵyna jaýap berdi. Almatynyń aqparattyq keńistiginde barlyǵy 23 myńnan astam materıal jarııalandy, efırge 1500-ge jýyq telesıýjet shyqty. Aıta keterligi, 17 myń materıal koronavırýstyq ınfektsııanyń taralýyna jol bermeý sharalaryna arnaldy.
Táýelsiz baıqaý komıssııasynyń músheleri BAQ ókilderi atqarǵan jumystardyń barynsha mańyzdy ári óte kúrdeli ekenin erekshe atap ótti.
«Búgin Táýelsizdik kúni qarsańynda aıtýly oqıǵa oryn alýda. Biz jýrnalıstıkanyń basty qaǵıdattary bolyp tabylatyn ádildik pen ashyqtyqty qaıta jańǵyrtýdmyz. Táýelsiz Qazaqstannyń jýrnalısteri elimizdiń damýyna orasan úles qosýda. Al, Almaty – Táýelsizdigimizdiń altyn besigi. Qazaqstan jýrnalısterin osynaý arý qalada bilim aldy, shyńdaldy, jýrnalıstıkanyń qyr-syryn meńgerdi. Jýrnalıster qaýymy damý ústinde, búgingi ómir talaptaryna saı áleýmettik jeliler, blogerler paıda bolýda», - dep atap ótti professor, t.ǵ.d., akademık, Jýrnalıstıka Akademııasynyń prezıdenti Saǵymbaı Qozybaev.
Baıqaý komıssııasynyń quramyna qoǵamdyq jáne azamattyq qaıratker, Almaty qalasy Qoǵamdyq keńesiniń múshesi Sergeı Ponomarev; «Turan» ýnıversıteti jýrnalıstıka kafedrasynyń dotsenti, «Mádenıet qaıratkeri» ıegeri, QR Jýrnalıster Odaǵy syılyǵynyń laýreaty, Dostastyq elderi halyqaralyq syılyǵynyń laýreaty Sáýle Tastúlekova; jýrnalıst, kópshilik aldynda sóz sóıleý jáne Sheshendik sheberlik trenıngteriniń avtory, Jýrnalıster Odaǵy syılyǵynyń laýreaty, bloger Polına Shımanskaıa; «PR-shy» klýbynyń vıtse-prezıdenti Aıbar Oljaev, MediaNetwork Kazakhstan atqarýshy dırektory, medıa trener Baqtygúl Býrbaeva jáne t. b. kirdi.
Kelesi nomınatsııalar boıynsha jeńimpazdar anyqtaldy:
1. Úzdik sıýjet»:
• Laýra Bıǵalıeva, «31 arna» – «Almatyda jańa 300 oryndyq balalar aýrýhanasy ashyldy»;
• Ramına Mırzalımova, «Almaty» telearnasy - «Ostorojno, koronavırýs! Jýrnalısty popalı v «grıaznýıý» zoný ınfektsıonnoı bolnıtsy Almaty».
2. «Úzdik jańalyqtar materıaly»:
• Ámirbolat Qusaıyn, «Azattyq Rýhy» – «Kárilik te, múgedektik te kásip ashýǵa kedergi emes»;
• Inna Býgaeva, «inAlmaty.kz» – «V gorah Almaty nachalı oporojnıat seleopasnye ozera».
3. Úzdik suhbat:
• Aınash Esaly, «Egemen Qazaqstan» – «Almaty – «jasyl» jáne «sary» aımaqtar arasynda»;
• Serikjan Máýletbaı, «Informburo.kz» – «Kak býdýt vosstanavlıvat ekonomıký Almaty? Glavnoe ız ıntervıý Bakytjana Sagıntaeva».
4. «Úzdik analıtıkalyq maqala»:
• Toqtar Jaqash, «Jas Alash» – «Almatynyń máselesin sheshýge ákim Saǵyntaevtyń áli jete me?»;
• Aıgerim Ábilmijitova, «Tengrinews.kz» – «Ih nelzıa sravnıvat, no ochen hochetsıa: Almaty ı Nýr-Sýltan».
5. Úzdik derekti materıal»:
• Gúlnár Tajıeva, «Aiqyn» – «Jataqhanalarǵa monıtorıng jasaldy»;
• Olga Tonkonog-Dáribaeva, «Sputnik Kazahstan» – «Vse zvezdy kıno v Alma-Ate. Kak jıl «Gollıvýd na granıtse Kıtaıa» v voennye gody».
6. «Úzdik fotoreportaj»:
• Sársenbek Qyzaıbekuly, «Nege.kz» – «Fotoreportaj. Halyq daıyn ba?»;
• Petr Karandashov, «Nur.kz» – «Kak vyglıadıt Voznesenskıı sobor posle trehletneı restavratsıı v Almaty».
7. «Áleýmettik jelilerdegi úzdik jarııalanym»:
• Qaıym-Munar Tabeev, «Almaty aqshamy» – «Almatynyń aıshyqty qadamdary».
8. Arnaıy nomınatsııa — «Qalanyń COVID-19-ǵa qarsy kúresi týraly úzdik materıaly»:
• Almas Sadýaqas, «Habar 24» arnasy – «Otandyq ǵalymdar koronavırýsqa qarsy úshinshi balamaly vaktsınany jasady»;
• Lıýdmıla Makarenko, «Kazahstanskaıa pravda» – «Kartına v dnı karantına».
Sondaı-aq, arnaıy syılyqtarmen Almaty qalasyn damytý taqyrybyn jarııalaýǵa belsendi qatysqany úshin birqatar jýrnalısterdiń qosqan úlesi eskerildi:
Albert Ahmetov, «Zakon.kz»;
Danııar Daýtalıev, «Kazınform»;
Marııam Bıjıkeeva, «Kapital.kz»;
Ekaterına Tıhonova, «Vremıa»;
Gúlvıra Bıǵalıeva, «Kýrsıv»;
Bekzada Ishekenova, «LS Aqparat»;
ıÝlııa Abramova, «NUR.kz».
