Almatyda baǵdarshamnyń qyzyl túsine ótken áıeldi kólik qaǵyp mert qyldy
ALMATY. QazAqparat - Almatyda áıel adam baǵdarshamnyń qyzyl túsine júgirip ótpek bolǵanda abaısyzda júıtkigen kólik astyna túsip mert boldy, dep habarlaıdy QazAqparat tilshisi.
Jol apaty Raıymbek dańǵyly men Turǵyt Ózal kóshesiniń qıylysynda boldy.
Áıel baǵdarshamnyń jasyl túsiniń janýyn kútpeı qıylysty júgirip ótpekke árekettengen. Sol sátte shyǵys baǵytta júıtkip kele jatqan Mersedes kóligi tejegishti basyp úlgermeı, ony qaǵyp ketti.
Qatty soqqydan áıeldiń aıaǵy julynyp qaldy. Jaıaý júrginshi sol jerde kóz jumdy. Oqıǵa ornyna polıtsııa kelip jetti. Kólik aıyp turaǵyna jiberildi.
Qalalyq ІІD baspasóz qyzmetiniń málimetine súıensek, jyl basynan beri 1 440 jaıaý júrginshini kólik qaǵyp ketken. 57 adam qaza taýyp, 1 460 adam jaraqat alǵan.
Quqyq qorǵaýshylar jol apatyna kóbinese jaıaý júrginshi sebepker bolatynyn aıtady.
«Qalada «Jaıaý júrginshi» sharasy ótip jatyr. Eki kún ishinde ǵana 368 adamǵa aıyppul salynyp, QR ÁqbK 615-baby boıynsha 12 242 adam ákimshilik jaýapkershilikke tartyldy», - dedi qalalyq ІІD Ákimshilik polıtsııa basqarmasynyń basshysy Jandos Muratalıev.
