Almatyda baǵdarshamnyń isten shyǵýynan jol apaty bolyp, oqýshy zardap shekti
ALMATY. QazAqparat - Almatyda baǵdarsham óship qalǵan jol qıylysynda eki kólik soqtyǵysyp, saldarynan 7-8 jastaǵy qyz bala zardap shekti, dep habarlaıdy QazAqparat tilshisi oqıǵa ornynan.
Jol-kólik apaty Buqar jyraý men Manas kósheleriniń qıylysynda boldy. Oqıǵaǵa kýá bolǵandardyń aıtýynsha, Jıgýlı kóligi Manas kóshesimen kele jatqan. Al Sýbarý Forester Buqar jyraý kóshesimen batysqa qaraı baǵyt alǵan. Jol qıylysynda Sýbarý basty baǵytta kele jatqan Jıgýlıdi ótkizbeı, kólik apatyna sebep bolǵan. Jıgýlıdiń qatty soqqysynan Sýbarý Forester tóńkerilip, ishindegi 7-8 jastaǵy oqýshy qyz zardap shekti. Ol jedel járdem kóligimen aýrhanaǵa jetkizildi. 
Polıtsııa oqıǵa sebebin anyqtaýǵa kiristi.
