Almatyda baǵdarshamǵa soǵylǵan júrgizýshi mert boldy
ALMATY. QazAqparat – Almatyda 22 jastaǵy júrgizýshi kóligin basqara almaı, baǵdarsham baǵanasyn soqqan. Ol oqıǵa ornynda kóz jumdy, dep habarlaıdy QazAqparat tilshisi.
Qalalyq polıtsııa departamentiniń dereginshe, jol-kólik oqıǵasy shilde kúni saǵat shamamen 07:44-ke Saıyn men Shalıapın kósheleriniń qıylysynda bolǵan.
«1999 jylǵy A. esimdi júrgizýshi «Toyota Corolla» markaly avtokóligin basqarý kezinde Saıyn kóshesinen soltústikke qaraı, Shalıapın kóshesimen qıylysar tusta kóligin basqara almaı, 9-shy shaǵynaýdannyń 24-shi úıiniń mańynda kedergige (baǵdarsham baǵany, red.) soǵylǵan. Jol-kólik oqıǵasy saldarynan alǵan jaraqatynan júrgizýshi oqıǵa orynda kóz jumdy. Atalmysh fakti QR QK-niń 3-bólimi 345-baby boıynsha Almaty PD SDTBT-ǵa tirkeldi. Tıisti saraptamalar taǵaıyndalyp, sotaldy tergeý jalǵasýda», - dep aqparattandyrdy Almaty qalasynyń PD Anyqtaý basqarmasynyń bastyǵy polıtsııa podpolkovnıgi Oljas Sháripov.
