Almatyda baǵdarshamdardy qıratýdan kelgen shyǵyn – 72 mln teńgege jýyq

ALMATY. QazAqparat – Almatyda jappaı tártipsizdik kezinde 40 baǵdarsham isten shyqty. Bul týraly Qala tirshiligin qamtamasyz etý shtabynan málim etti, dep habarlaıdy QazAqparat.

Shtabtyń málimetinshe, shyǵyn kólemi shamamen 72 mln teńge.

«Búlikshiler kóbine baǵanalar, keri sanaý tablosyn qıratyp tastaǵan. Sonymen qatar kabelderge zaqym keltirgen. Qazir Seıfýllın dańǵyly, Momyshuly men Manas kóshelerindegi baǵdarshamdar qaıta iske qosyldy. Abaı dańǵylynda júrgizilip jatqan jumystar aıaqtalýǵa jaqyn. Gagarın kóshesindegi baǵdarshamdy qosý múmkin bolmaı tur», - dep habarlady Qala tirshiligin qamtamasyz etý shtabynan.

Sondaı-aq Tóle bı kóshesi boıyndaǵy baǵdarshamdardy jóndeý jumystary aıaqtalyp, barlyǵy iske qosyldy.