Almatyda baǵdarsham isten shyǵyp, Prado aýnap qaldy
ALMATY. QazAqparat - Almatyda Abaı men Brýsılovskıı kósheleri qıylysynda baǵdarsham isten shyǵyp, kólik apaty boldy, dep habarlaıdy QazAqparat tilshisi.
Kólik júrgizýshileriniń aıtýynsha, Toyota Land Cruiser Prado Abaı kóshesimen batysqa qaraı jol tartqan. Nissan Ekstrel Brýsılovskıı kóshesimen ońtústikke baǵyt alǵan. Eki kósheniń qıylysynda baǵdarsham jumys istemeı turǵan. Dəl osy jerde joldary túıisken qos kólik soqtyǵysqan. Nissan kóligi Toyota Prado-ny janynan soǵyp, ol aýnap qaldy. Oqıǵa saldarynan eki adam zardap shekti.
Zardap shekkender aýrýhanaǵa jetkizildi. Polıtsııa oqıǵanyń mán-jaıyn anyqtap jatyr.
